എൻറീക്കാ ലെക്സി വെടിവെയ്‍‍പ്പ്: ഇറ്റലിക്ക് എതിരെ വിദേശ ട്രൈബ്യൂണലില്‍ കേസ് വിജയിച്ചെന്ന് ഇന്ത്യ

ന്യൂ‍ഡല്‍ഹി: കേരള തീരത്തുവച്ച് ഇറ്റാലിയന്‍ നാവികര്‍ മത്സ്യത്തൊഴിലാളികളെ വെടിവെച്ച് കൊലപ്പെടുത്തിയ കേസില്‍ അനുകൂലവിധിയെന്ന് ഇന്ത്യന്‍ വിദേശകാര്യ മന്ത്രാലയം. അന്താരാഷ്ട്ര ട്രൈബ്യൂണലാണ് വിധി പ്രസ്‍താവിച്ചത്. 2012-ലാണ് മലയാളികളായ മത്സ്യത്തൊഴിലാളികളെ ഇറ്റാലിയന്‍ എണ്ണക്കപ്പല്‍ എന്‍ റീക്കാ ലെക്സിയില്‍ നിന്ന് വെടിവെച്ച് കൊലപ്പെടുത്തിയത്. Additionally Learn : ഇറ്റാലിയന്‍ നാവികരുടെ പ്രവൃത്തി നിയമവിരുദ്ധമായിരുന്നു. ഇന്ത്യയുടെ സ്വാതന്ത്ര്യം ഹനിക്കുന്ന കാര്യങ്ങളാണ് പിന്നീടും ഉണ്ടായത്. ഇന്ത്യന്‍ പൗരന്മാര്‍ക്ക് ജീവന്‍ നഷ്‍ടപ്പെട്ട സംഭവത്തില്‍ നഷ്‍ടം നികത്താന്‍ ഇറ്റലി ബാധ്യസ്ഥരാണ് – യൂറോപ്പിലെ ഹെയ്‍ഗിലുള്ള ട്രൈബ്യൂണല്‍ വിധിച്ചതായി പിടിഐ റിപ്പോർട്ടു ചെയ്തു. കടലില്‍ ഇന്ത്യയുടെ യാത്രാസ്വാതന്ത്ര്യം ഇറ്റാലിയൻ നാവികര്‍ ലംഘിച്ചതായി കോടതി കണ്ടെത്തി. നാവികര്‍ക്കെതിരെ ഇന്ത്യ സ്വീകരിച്ച നടപടിയും കോടതി ശരിവെച്ചു. എന്നാല്‍, നാവികരെ തടഞ്ഞുവച്ചതിന് ശേഷം നഷ്ടപരിഹാരം നൽകണമെന്ന ഇറ്റലിയുടെ അവകാശവാദം കോടതി തള്ളിയതായും വിദേശകാര്യ വക്താവ് അനുരാഗ് ശ്രീവാസ്തവ പറഞ്ഞു. 2012 ഫെബ്രുവരി 15 നായിരുന്നു എന്‍റീക്ക ലെക്സി നാവികര്‍ ഇന്ത്യന്‍ മത്സ്യത്തൊഴിലാളികള്‍ക്ക് നേരെ വെടിവെച്ചത്. ലക്ഷദ്വീപ് കടലില്‍ വെച്ചായിരുന്നു സംഭവം. പിന്നാലെ ഇന്ത്യന്‍ അതിര്‍ത്തി രക്ഷാസേന കപ്പല്‍ കസ്റ്റഡിയില്‍ എടുത്തു. കൊച്ചി തുറമുഖത്ത് അടുപ്പിച്ചു. Additionally Learn : സെന്‍റ് ആന്‍റണി എന്ന മത്സ്യബന്ധന ബോട്ടിന് നേരെയാണ് വെടിവെപ്പുണ്ടായത്. അജേഷ്, വാലന്‍റൈന്‍ എന്നിവര്‍ കൊല്ലപ്പെട്ടു. ഇറ്റാലിയന്‍ സായുധ നാവികരായ മാസിമിലിയാനോ ലത്തോര്‍, സാല്‍വത്തോര്‍ ജിരോണ്‍ എന്നിവരാണ് കസ്റ്റഡിയിലായത്.

Your in currently Olaa.in » Study Materials Free Downloads for all exam , Neet, UPSC,SSC,TNPSC » എൻറീക്കാ ലെക്സി വെടിവെയ്‍‍പ്പ്: ഇറ്റലിക്ക് എതിരെ വിദേശ ട്രൈബ്യൂണലില്‍ കേസ് വിജയിച്ചെന്ന് ഇന്ത്യ